Sunday 25 January 2009

Today We Celebrate

To A Mouse, On Turning Her Up In Her Nest With The Plough

by Robert Burns

Wee, sleekit, cow'rin, tim'rous beastie,
O, what a panic's in thy breastie!
Thou need na start awa sae hasty,
Wi' bickering brattle!
I wad be laith to rin an' chase thee,
Wi' murd'ring pattle!

I'm truly sorry man's dominion,
Has broken nature's social union,
An' justifies that ill opinion,
Which makes thee startle
At me, thy poor, earth-born companion,
An' fellow-mortal!

I doubt na, whiles, but thou may thieve;
What then? poor beastie, thou maun live!
A daimen icker in a thrave
'S a sma' request;
I'll get a blessin wi' the lave,
An' never miss't!

Thy wee bit housie, too, in ruin!
It's silly wa's the win's are strewin!
An' naething, now, to big a new ane,
O' foggage green!
An' bleak December's winds ensuin,
Baith snell an' keen!

Thou saw the fields laid bare an' waste,
An' weary winter comin fast,
An' cozie here, beneath the blast,
Thou thought to dwell-
Till crash! the cruel coulter past
Out thro' thy cell.

That wee bit heap o' leaves an' stibble,
Has cost thee mony a weary nibble!
Now thou's turn'd out, for a' thy trouble,
But house or hald,
To thole the winter's sleety dribble,
An' cranreuch cauld!

But, Mousie, thou art no thy lane,
In proving foresight may be vain;
The best-laid schemes o' mice an 'men
Gang aft agley,
An'lea'e us nought but grief an' pain,
For promis'd joy!

Still thou art blest, compar'd wi' me
The present only toucheth thee:
But, Och! I backward cast my e'e.
On prospects drear!
An' forward, tho' I canna see,
I guess an' fear!



Happy Burns Day y'all.

3 comments:

Victoria said...

Och lassie, no comments? Better put yer own then hen. :)

Maplemusketeer said...

I love that poem! And shall most definitly put a comment in here for ye ;) Did you see the Robbie Burns Night photos I but up? Got together with some friends to celebrate.. I brought the scotch and the poetry.. we had a grand time.. and I recited that poem, and another as well. :D Way to represent..

Now I should get back to studying shouldn't I? aye...

;)

Victoria said...

I saw some happy looking photos Jordan, but didn't put two and two together, well done! :D

But yes, you should get back to studying! ;)